Fizikam z Univiersiteta Čykaha ŭpieršyniu atrymałasia stvaryć u łabaratoryi «trochpialostkavy» vuzieł ź vichury vady i nazirać za jaho evalucyjaj i raspadam.
Praca apublikavanaja ŭ časopisie Nature Physics, a jaje karotki źmiest možna pračytać u ScienceNow i NatureNews.
Dla stvareńnia vodnaha vuzła navukoŭcam spatrebiŭsia prapieler asablivaj formy, jaki ŭdałosia stvaryć pry dapamozie 3D-pryntara. Nazirać za rucham vady, vyklikanym hetym prapieleram, fizikam dapamahli drobnyja burbałki pavietra. Padčas ekśpierymientu jany išli za ruchami vady. Stanovišča padśvietlenych łazieram burbałak 76 tys. raz u siekundu adsočvałasia pryboram, jaki nahadvaje kampjutarny tamohraf.
U vyniku, navukoŭcam atrymałasia razhledzieć, jak utvarajucca, ruchajucca i raspadajucca vuzły, utvoranyja rucham vadkaści.
Raniej mahčymaść isnavańnia takich vuzłoŭ užo była dakazanaja tearetyčna, adnak da hetaha času nikomu nie ŭdavałasia atrymać u łabaratornych umovach.
Vyvučeńnie vuzłoŭ maje važnaje značeńnie nie tolki dla hidradynamiki, ale i, naprykład, dla vyvučeńnia Sonca. Niadaŭna navukoŭcy vyśvietlili, što na Soncy pieranos enierhii ad pavierchni da karony moža być apasrodkavany admysłovymi tarnada, jakija splatajucca ŭ kosy.
Ciapier čytajuć
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar10
Kamientary