Za sprobu atrymać chabar u 5 miljonaŭ rubloŭ u Kruhłym Mahiloŭskaj vobłaści zatrymany načalnik papraŭčaj ustanovy adkrytaha typu № 46.
Jak paviedamiła aficyjny pradstaŭnik upraŭleńnia Śledčaha kamiteta pa Mahiloŭskaj vobłaści Aksana Salaniuk, kryminalnaja sprava pavodle padazreńnia ŭ atrymańni chabaru była raspačata 18 lutaha.
Jana raspaviała, što adzin sa źniavolenych u papraŭčaj ustanovie raniej byŭ asudžany na padstavie artykuła ab rastracie abo prysvajeńni majomaści na 3,5 hoda pazbaŭleńnia voli.Da kanca terminu jamu zastavałasia 10 miesiacaŭ, i za dobryja pavodziny źniavoleny byŭ pieraviedzieny ŭ papraŭčuju ŭstanovu adkrytaha typu, viadomuju ŭ narodzie jak «chimija».
Tam u asudžanaha pačalisia prablemy — za parušeńni paradku jamu nieadnarazova vynosiŭ spahnańni načalnik ustanovy.Nieŭzabavie načalnik pryhraziŭ jamu mahčymym raspačynańniem kryminalnaj spravy na padstavie artykuła ab uchileńni ad adbyvańnia pakarańnia va ŭstanovie adkrytaha typu. Heta praduhledžvaje pieravod asudžanaha nazad u miescy pazbaŭleńnia voli z pavieličeńniem terminu pakarańnia. Za 5 miljonaŭ rubloŭ načalnik paabiacaŭ nie raspačynać spravu.
Pry pieradačy hrošaj jon byŭ zatrymany supracoŭnikami ŭpraŭleńnia ŭłasnaj biaśpieki MUS.Načalnik znachodzicca pad vartaj, jamu pahražaje da siami hadoŭ pazbaŭleńnia voli.
Ciapier čytajuć
«Jana była spartyŭnaj dziaŭčynaj». Što viadoma pra zahinułuju pasažyrku deltapłana, jaki ŭpaŭ pad Minskam1
Kamientary