Premija hramadskaha ruchu imia Juryja Zacharanki «Abaroncy Ajčyny» «Rycar hoda» za 2012 hod uručana pravaabaroncy Raisie Michajłoŭskaj. Cyrymonija ŭznaharodžańnia adbyłasia 22 lutaha ŭ Minsku.
Premija ŭručajecca dziaviaty raz. Pavodle słoŭ lidara ruchu Aleha Vołčaka, premija Michajłoŭskaj prysudžana za «aktyŭny ŭdzieł u pieraadoleńni nastupstvaŭ 19 śniežnia 2010 hoda, arhanizacyju hramadskaj abarony fihurantaŭ spraŭ ab masavych biesparadkach, a taksama za vialiki ŭkład u zachavańnie histaryčnaj i jurydyčnaj spadčyny biełaruskaha naroda».
«Siońnia premija „Rycar hoda“ ŭpieršyniu ŭručajecca žančynie. Miarkujem, jany achviarujuć saboj nie mienš, čym mužčyny. Raisa Michajłoŭskaja — pravaabaronca ad Boha. Jana 15 hadoŭ u pravaabarončym ruchu, što ŭ našaj krainie źjaŭlajecca sapraŭdnym hramadzianskim podźviham», — skazaŭ Vołčak.
Dypłom Michajłoŭskaj uručyła žonka źniavolenaha
Sama Michajłoŭskoja adznačyła, što imia Zacharanki źjaŭlajecca dla jaje «ściaham u pravaabarončaj dziejnaści». «Naša dziejnaść nakiravana na toje, kab tyja, chto ŭdzielničaŭ u vykradańni, byli pakaranyja pa zakonie», — skazała jana.
Kamientary