Ambasadar ZŠA pry ABSIE Ien Kieli zrabiŭ zajavu z nahody druhoj hadaviny žorstkaha padaŭleńnia mirnaj akcyi pratestu ŭ Biełarusi.
Ien Kieli nahadvaje, što 19 śniežnia adznačali druhuju hadavinu prezydenckich vybaraŭ u Biełarusi ŭ śniežni 2010. Padčas hetych vybaraŭ byli dapuščanyja surjoznyja parušeńni mižnarodna pryznanych demakratyčnych standartaŭ, palicyja siłaj raspraviłasia z natoŭpam mirnych demanstrantaŭ. Mnohija ludzi byli źbityja, bolš za 700 byli zatrymanyja, u tym liku siem kandydataŭ u prezydenty, — zajaŭlaje ambasadar ZŠA pry ABSE.
Nastupstvy hetych dziejańniaŭ praciahvajuć adčuvacca siońnia ŭ Biełarusi. Niekatoryja demakratyčnyja aktyvisty apazycyi znachodziacca ŭ turmie. Adzin z hetych źniavolenych, Źmicier Daškievič, pavinien byŭ być vyzvaleny z turmy na hetym tydni, ale jaho termin byŭ praciahnuty jašče na adzin hod, heta śviedčyć pra adsutnaść niezaležnaj sudovaj systemy i vybaračny pieraśled demakratyčnaj apazycyi. My paćviardžajem naš zaklik da nieadkładnaha, biezumoŭnaha vyzvaleńnia i reabilitacyi ŭsich palityčnych źniavolenych. Urad pa-raniejšamu nie vykonvaje asnoŭnyja pryncypy svabody słova, asacyjacyj i schodaŭ, jak heta adlustravana ŭ kančatkovym dakładzie BDIPČ ABSE pa vynikach parlamenckich vybaraŭ ŭ Biełarusi ŭ vieraśni 2012 hodu, havorycca ŭ zajavie Iena Kieli.
«Nahadaju, što 1 śniežnia 2010 hodu ŭ sumiesnaj zajavie ZŠA i Biełarusi havaryłasia, što pašyreńnie pavahi da demakratyi i pravoŭ čałavieka zastajecca centralnym punktam dla palapšeńnia dvuchbakovych adnosin. My zaklikajem urad Biełarusi supracoŭničać ź instytutami ABSE dla zabieśpiačeńnia vykanańnia metaŭ i kaštoŭnaściaŭ hetaj arhanizacyi. I my praciahvajem padtrymlivać biełaruskich abaroncaŭ pravoŭ čałavieka, niezaležnych žurnalistaŭ i aktyvistaŭ hramadzianskaj supolnaści, jakija imknucca pabudavać adkrytuju, demakratyčnuju budučyniu dla svajoj krainy,» — zapeŭnivaje ambasadar ZŠA pry ABSE.
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie28
Kamientary