Aktyvistka AHP Maryna Bahdanovič zajaviła, što parlamenckija vybary ŭ Azerbajdžanie prajšli spakojna i biez parušeńniaŭ. Jaje słovy cytuje Mižnarodnaje manitorynhavaje biuro: «Byli sytuacyi, kali zachodzili pa dvoje ŭ kabinku, byli sytuacyi, kali niapravilna vydavaŭsia biuleteń, ale kazać, što vybary nielehitymnyja, niama nijakich padstaŭ», — kaža M.Bahdanovič i dadaje: «Usie misii paćvierdzili, što pieramohu ŭ sumlennaj baraćbie atrymała kiroŭnaja partyja Azerbajdžanu». Miž tym u paniadziełak ABSE zajaviła, što vybary ŭ Azerbajdžanie nie byli demakratyčnyja, a ŭ aŭtorak parušeńni na vybarach u Azerbajdžanie asudziŭ Eŭraźviaz.
M.Bahdanovič uvachodzić u hrupu naziralnikaŭ SND CIS-EMO, jakaja ŭ svoj čas pryznała svabodnymi i vybary va Ŭzbekistanie, i druhi tur hałasavańnia va Ŭkrainie, paśla jakoha falšavańni na karyść Janukoviča vyklikali narodnaje paŭstańnie. Akramia siabroŭstva ŭ AHP, jana peŭny čas była blizkaja da hienerała V.Frałova, a na Kanhresie demakratyčnych siłaŭ vystupała razam ź Ju.Varoniežcavym za stvareńnie Mižrehijanalnaj deputackaj hrupy.
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary