Старшыня камітэту Думы Расеі па міжнародных справах і адзін зь лідэраў прапуцінскай партыі і «Адзінай Расеі» Канстанцін Касачоў даў інтэрвію найбуйнейшай газэце Швэцыі «Dagens Nyheter». Сярод іншага было сказана, што Расея не выключае будучага сяброўства Беларусі (як і Ўкраіны ды Турцыі) у Эўразьвязе.
Разам з тым, Касачоў паведаміў, што Расея ніколі не падасьць заяўкі на кандыдацтва ў ЭЗ, бо абавязкова прыйдзе «адмова», а гэта кепска для іміджу Расеі. Тым ня менш, Касачоў не сумняваецца, што, калі б ЭЗ запрасіў Расею ў свае шэрагі, Расея прыйшла б да адпаведнасьці стандартам ЭЗ «вельмі хутка», але, хутчэй за ўсё, паводле слоў Касачова, Расея застанецца па-за ЭЗ і будзе разам з ЗША, Кітаем і Японіяй адыгрываць ролю неэўрапейскіх вялікіх дзяржаў.
АК, Стакгольм
Каментары