У Брэсце 2-гадовая дзяўчынка захварэла на дэрматыт пасля таго, як пагуляла з новым пазлам
Пазл быў набыты ў буйной краме.
Двухгадовая дзяўчынка ў Брэсце захварэла на дэрматыт пасля таго, як бацькі падарылі ёй новы пазл з азбукай. Увечары дзяўчынка гулялася з новай цацкай, а ўначы ёй стала кепска.
У малой пачаўся моцны сверб, з'явіліся ацёкі і чырвоныя высыпанні на далонях, піша «Брестская газета». Пасля таго, як дзяўчынку абследавалі, ёй паставілі дыягназ «алергічны кантактны дэрматыт». Мама дзяўчынкі расказала, што цацка была набыта ў буйным спецыялізаванай краме і перад тым, як даць яе дачкі, яна вымыла пазл.
Жанчына купіла цацку, спакусіўшыся нізкай цаной — яна каштавала ўдвая танней, чым аналагічныя пазлы ў іншай гандлёвай кропцы.
Брэсцкі занальны цэнтр гігіены і эпідэміялогіі праводзіць даследаванне цацкі, у гандлёвай арганізацыі да вынясення вердыкта яе на ўсялякі выпадак знялі з продажу.
Цяпер чытаюць
Чацвёртую лінію мінскага метро павядуць у Дражню. А «Сляпянка» і «Даўгабродская» змянілі сваё месца5
Каментары