Каардынатар грамадзянскай кампаніі "Еўрапейская Беларусь" Зміцер Бандарэнка з медыцынскай часткі пераведзены ў атрад калоніі № 15 Магілёва. Пра гэта БелаПАН паведаміла яго жонка Вольга Бандарэнка.
Паводле яе слоў, 20 лістапада Бандарэнка патэлефанаваў ёй з калоніі. "Падчас кароткай размовы ён паспеў паведаміць, што яго, нягледзячы на болі ў спіне, вярнулі ў атрад. Перавод адбыўся яшчэ 11 лістапада", — сказала Вольга Бандарэнка.
"У яго ідзе восеньскае абвастрэнне, болі ў спіне. Раней у атрадзе ў яго былі паслабленні, дазвалялі рабіць спецыяльныя практыкаванні лежачы, цяпер гэтага няма, ён разам з усімі па паўтары гадзіны стаіць на праверцы", — паведаміла жонка зняволенага.
Яна таксама сказала, што на мінулым тыдні збіралася спецыяльная камісія па пытанні аб змякчэнні пакарання Бандарэнку. "Яны вырашылі, што Дзмітрый не стаў на шлях выпраўлення, і ў змякчэнні пакарання яму адмоўлена", — адзначыла Вольга.
Паводле яе слоў, у размове з ёю Зміцер заўважыў, што зараз сітуацыя нагадвае яму першыя месяцы арышту. "Прасіў, каб мы настойвалі на незалежным медыцынскім аглядзе", — паведаміла жонка зняволенага.
На 21—23 снежня ў яе прызначана доўгае спатканне з мужам.
***
Зміцер Бандарэнка, асуджаны за падзеі 19 снежня на два гады пазбаўлення волі ў калоніі агульнага рэжыму, адбывае пакаранне ў папраўчай калоніі № 15 Магілёва. Пасля арышту ў Бандарэнкі абвастрыліся хранічныя захворванні, і 26 ліпеня ў 5-й клінічнай бальніцы Мінска яму зрабілі аперацыю на пазваночніку.
20 жніўня закончылася траціна тэрміну зняволення Бандарэнкі, і, згодна з законам, ён меў права на змякчэнне пакарання. Аднак у гэтым яму было адмоўлена, як лічаць родныя і паплечнікі Змітра, з-за надуманых прычын.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5050
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ50
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары