Аркестр майстроў кітайскай нацыянальнай музыкі з аншлагам выступіў 25 верасня ў Белдзяржфілармоніі. Канцэрт, на яком выконваліся творы кітайскіх аўтараў, даў старт Дням культуры Кітая ў Беларусі. Яны прадоўжацца ў нашай краіне па 2 кастрычніка.
Абмен днямі культуры садзейнічае ўмацаванню адносін паміж Беларуссю і Кітаем. Гэта адзначыў на цырымоніі адкрыцця кітайскіх Дзён першы намеснік міністра культуры Уладзімір Карачэўскі. Паводле яго слоў, за апошнія гады гэтыя культурныя форумы сталі яркай падзеяй у
Ён падкрэсліў, што з Кітая прыязджаюць унікальныя творчыя калектывы, выступленні якіх раскрываюць хараство цудоўнай кітайскай культуры. У гэтым годзе беларусаў віртуознасцю ігры радуюць артысты Аркестра майстроў кітайскай нацыянальнай музыкі. Калектыў вядомы не толькі ў КНР, але і далёка за яе межамі. Канцэрт аркестра запланаваны таксама ў канцэнртнай зале Гродзенскага музычнага каледжа.
Нацыянальныя песні і танцы Унутранай Манголіі, а таксама цыркавыя выступленні кітайскіх артыстаў можна будзе паглядзець на сцэнічнай пляцоўцы Мінскага дзяржаўнага лінгвістычнага ўніверсітэта. Як вядома, культура гэтага рэгіёну Кітая захавала векавую разнастайнасць прадстаўнікоў мангольскай нацыянальнасці.
Надзвычайны і Паўнамоцны Пасол Кітая ў Беларусі Лу Гуйчэн у сваім выступленні не прэзентацыі Дзён культуры сказаў, што правядзенне гэтых культурных мерапрыемстваў садзейнічае паглыбленню разумення паміж народамі дзвюх краін. Кітай і Беларусь размешчаны геаграфічна далёка адзін ад аднаго, але гэта не перашкаджае ўзаемавыгаднаму супрацоўніцтву і жаданню народаў сябраваць. «У кожнага народа свая нацыянальная культура, якая ўліваецца ў агульную скарбніцу сусветнай культуры. Кітайская і беларуская культуры таксама з’яўляюцца часткай сусветнай культуры», — адзначыў Лу Гуйчэн.
Кітайскі дыпламат расказаў, што праграмай Дзён культуры прадугледжана правядзенне некалькіх выставак — «Кераміка і фарфор Кітая», «Сучаснае мастацтва валакна Кітая».
Лу Гуйчэн выказаў упэўненасць, што ўсе гэтыя мерапрыемствы будуць садзейнічаць пашырэнню культурнага ўзаемадзеяння паміж Беларуссю і Кітаем.
Цапкала і Балкунец атакавалі літоўскага палітыка, які дапамагаў беларусам пасля 2020‑га і спрычыніўся да справы, якую завёў пракурор у Гаазе28
Каментары