Субота, 30 сьнежня
АНТ, 09.05
«Зыгзаг удачы» (Зигзаг удачи)
Расея, 1968, чорна‑белы, 88 хв.
Рэжысэр: Эльдар Разанаў
Ролі выконваюць: Яўген Лявонаў, Валянціна Талызіна, Яўген Еўсьцігнееў, Георгі Буркоў, Зінові Герт
Сатырычная камэдыя/
Малады фатограф выйграе па аблігацыі вялікія грошы. На працы — скандал, бо аблігацыя ўпотайкі была купленая за складкі касы ўзаемадапамогі, старшынём якой быў герой. Толькі Новы год зьмірыў калегаў. Карціна не настолькі знакамітая, як іншыя творы Разанава, але па‑свойму паказальная.
❏
БТ, 12.10
«Гэта вясёлая плянэта» (Эта весёлая планета)
Расея – Беларусь, 1973, каляровы, 94 хв.
Рэжысэры: Юры Саакаў, Юры Цьвяткоў
Ролі выконваюць: Савелі Крамараў, Леанід Кураўлёў, Кацярына Васільева
Камэдыйна‑музычнае кінасьмецьце.
Абсалютна дурацкая, халтурная і мілая гісторыя пра тое, як іншаплянэтнікі трапілі на сустрэчу Новага году. Скласьці канкурэнцыю карнавальным маскам яны не змаглі, але зразумелі, што такое зямны гумар (для тых, хто яго знойдзе). «Іншаплянэтнік» з колам ад ровару над галавой — гэта штосьці...
Карціна — толькі для сталых аматараў трэшу.
❏
АНТ, 23.40
«Цырульнік» (The Barber)
Канада — Вялікабрытанія, 2001, каляровы, 94 хв.
Рэжысэр: Майкл Бафара
Ролі выконваюць: Малькольм Макдауэл, Джэрэмі Рэчфард, Гарвін Сэнфард.
Жанр: Псыхапаталягічны трымценьнік
Ня ўсім жа на сьвяты радавацца... Аляска. Палярная зіма. У мястэчку адбываюцца дзіўныя забойствы маладых жанчынаў. І толькі чалавек зь лязом у руках ведае, дзе шукаць злачынцу...
Карціна была названая адной зь лепшых незалежных стужак 2001 г.
❏
Нядзеля, 31 сьнежня
Стандартнае мэню навагодніх фільмаў:
«Карнавальная ноч» (БТ, 12.10)
«Чараўнікі» (СТВ, 13.35)
«Іронія лёсу, альбо Лёгкі дух» («Лад», 20.35)
І навагоднія звароты … па БТ, АНТ, СТВ, Ладу, і нават па НТВ.
❏
Мо ну яго, той тэлевізар?
Каментары