Здзелкі па продажы пакетаў акцый «Белтрансгазу» і «МТС» могуць адбыцца ўжо сёлета
Здзелкі па продажы пакетаў акцый ААТ «Белтрансгаз» і «МТС» могуць адбыцца ўжо сёлета, паведаміла напрэс-канферэнцыі ў Мінску 27 красавіка кіруючы партнёр кампаніі UFS Investment Company Алена Жалязнова.
«Цяпер ідуць актыўныя перамовы, і думаю, іх вынік і заключэнне здзелак мы павінны ўбачыць сёлета. Таму што гэта ў тым ліку ўваходзіць у шэраг мер па павелічэнні золатавалютных рэзерваў Беларусі», — заявіла Жалязнова.
Кошт 50% пакета акцый «Белтрансгазу» інвестары ацанілі ў 2,5 млрд. долараў.
«Беларускі пакет „Белтрансгазу“ мы ацэньвалі на аснове пакета, што належыць „Газпрому“, які паступова скупляў яго траншамі на працягу 2007–2010 гадоў», — растлумачыў дырэктар дэпартамента аналітыкі UFS Investment Company Павел Васіліядзі.
Ён адзначыў, што зрабіць больш дакладную ацэнку пакуль складана.
Каментары