Міністар замежных спраў Латвіі Артыс Пабрыкс 18 кастрычніка прыняў з азнаямленчым візытам новага пасла Беларусі ў Латвіі Аляксандра Герасіменку
Міністар замежных спраў Латвіі Артыс Пабрыкс 18 кастрычніка прыняў з азнаямленчым візытам новага пасла Беларусі ў Латвіі Аляксандра Герасіменку, паведамілі карэспандэнту ІА REGNUM у МЗС рэспублікі. Пасол пацьвердзіў, што праваахоўчыя органы Беларусі вырашылі спыніць крымінальную справу, у якой фігуруе імя былога другога сакратара пасольства Латвіі ў Беларусі Рэйма Шмітса. Як патлумачылі ў МЗС, паводле словаў Герасіменкі, беларускі бок прызнае ў сувязі з інцыдэнтам (гаворка пра ператрус на кватэры латвійскага дыплямата) ненаўмыснае парушэньне Вэнскай канвэнцыі пра дыпляматычныя сувязі. Пабрыкс у адказ выразіў надзею, што надалей стасункі абедзьвюх краін будуць фармавацца больш абдумана. У сваю чаргу Герасіменка пацьвердзіў зацікаўленасьць Беларусі ў разьвіцьці супрацоўніцтва з Латвіяй, асабліва ў сфэрах эканомікі, тэхналёгій, памежнай службы ды іншых. З улікам гэтага візыту ад 23 кастрычніка ўзновіць выкананьне сваіх абавязкаў у Беларумі латвійскі пасол Майра Мора.
Сёлета на пачатку жніўня Артыс Пабрыкс заявіў, што ня стане сустракацца з новым паслом Беларусі ў Латвіі да таго часу, пакуль ня будзе атрыманае афіцыйнае тлумачэньне з нагоды ператрусу на кватэры латвійскага дыплямата ў Менску.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары