Аўто22

Рынак новых аўтамабіляў у Беларусі ў ліпені вырас на 30%

Беларускі рынак новых легкавых аўтамабіляў у ліпені 2026 года зноў паказаў значны рост пасля зніжэння ў чэрвені. За месяц у краіне было прададзена каля 9,6 тысячы новых машын — на 30% больш, чым у чэрвені, і на 18,5% больш за майскі паказчык. Пра гэта паведамілі ў Беларускай аўтамабільнай асацыяцыі (БАА).

Здымак ілюстрацыйны. Фота: «Наша Ніва»

У асацыяцыі адзначылі, што ліпеньскія вынікі перавысілі чаканні: пасля часовага спаду продажы не толькі аднавіліся, але і дасягнулі найвышэйшага месячнага ўзроўню ў 2026 годзе.

Асноўнымі фактарамі росту сталі аўтамабілі беларускай вытворчасці і павелічэнне продажаў электрамабіляў.

Прадпрыемства «БелДжы» ў ліпені рэалізавала 5,3 тысячы аўтамабіляў марак Belgee і Geely, што стала новым рэкордам за ўсю гісторыю продажаў завода. На гэтыя дзве маркі прыпала больш за 55% усяго рынку новых легкавых аўтамабіляў Беларусі.

Другі беларускі вытворца — «Юнісон» — прадаў 596 аўтамабіляў, што склала каля 6,2% рынку. У выніку машыны, выпушчаныя двума беларускімі аўтазаводамі, занялі больш за 61% ліпеньскага рынку новых аўтамабіляў.

Асабліва моцна вырас сегмент электрамабіляў. У ліпені ў Беларусі было прададзена каля 3,5 тысячы новых электракараў, што на 46% больш, чым месяцам раней. Іх доля на рынку склала прыкладна 36,5%. Рост тлумачаць актыўным імпартам электрамабіляў і захаваннем ільготных умоў для іх набыцця.

У БАА лічаць, што па выніках 2026 года беларускі рынак новых аўтамабіляў можа пераадолець адзнаку ў 70 тысяч прададзеных машын і ўстанавіць гістарычны рэкорд.

Эксперты адзначаюць, што рост падтрымліваецца пашырэннем аўтакрэдытавання, нізкімі цэнамі на электрамабілі і павышаным попытам на іх напярэдадні магчымага заканчэння льготных умоў увозу. Пры гэтым паступова скарачаецца доля аўтамабіляў, якія ўвозяцца з Расіі, а таксама продажы імпартных гібрыдных мадэляў.

Каментары2

  • kidding
    04.08.2026
    Не разумею, часу баа дагэтуль існуе. Там напэўна сілавікі ?
  • Fahrzeug
    05.08.2026
    Автомобиль, это если в документах производителя написано deutsche ausführung.
    Остальное - "жалкое подобие левой руки."

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны18

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

Эстонія закрывае мяжу з Расіяй з 1 снежня. Прычынай стала спроба ГРУ падпаліць абаронны завод 19

Пяць краін ЕС адкрываюць у Руандзе лагер для дэпартаваных мігрантаў. Раней Брытанія страціла на падобнай схеме амаль мільярд даляраў6

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал27

У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет1

У Беларусі за апошнія гады ліквідавалі 40 праваслаўных прыходаў5

Украінскія дроны не могуць дагнаць рэактыўныя «Шахеды». У SpaceX кажуць пра тэхнічны збой3

«А як ты выкупіў адразу акцэнт?» Рэпер Баста па голасе пазнаў музыканта з Чавусаў і расказаў пра сваё дзяцінства ў закрытым гарадку пад Дзятлавам8

Амаль 400‑метровы пуцеправод паміж Каменнай Горкай і Лебядзіным абяцаюць адкрыць да канца года2

На Канары за суткі прыбылі амаль паўтары тысячы мігрантаў5

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны18

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць