На Гродзеншчыне вайсковыя камісары адправіліся вучыць сялян збіраць ураджай
Як паведамляе прэс-служба Міністэрства абароны, вайсковыя камісары Гродзенскай вобласці наведалі сельскагаспадарчыя прадпрыемствы ў Гродзенскім, Воранаўскім, Зэльвенскім, Лідскім і Бераставіцкім раёнах, каб азнаёміцца з ходам уборкі ўраджаю.
Падчас паездак афіцэры, як паведамляецца, сустрэліся з кіраўнікамі гаспадарак і працоўнымі калектывамі, а таксама выехалі на палі, дзе азнаёміліся з арганізацыяй і ходам жніва.
Такая нечаканая зацікаўленасць сельскай гаспадаркай у вайскоўцаў з'явілася пасля даручэння Аляксандра Лукашэнкі, дадзенага падчас селектарнай нарады, прысвечанай уборачнай кампаніі. Тады ён распарадзіўся адпраўляць у армію ўсіх, хто не ўмее працаваць падчас жніва.
Атрымаўшы гэта даручэнне, пасля нарады з міністрам абароны і ўдакладнення пастаўленых задач прадстаўнікі вайсковых камісарыятаў розных рэгіёнаў краіны прыступілі да іх выканання. Верагодна, толькі яны сваім дасведчаным вокам могуць на месцы вызначыць, хто спраўляецца з уборкай на выдатна і так, а каго трэба гэтаму падвучыцца на вайсковых зборах.
Каментары