Пад санкцыі трапілі расійскія кампаніі, якія пастаўлялі для «Шахедаў» і «Гераняў» электронныя кампаненты для павышэння іх устойлівасці перад украінскімі сродкамі радыёэлектроннай барацьбы.
Фота: УНІАН
Рада Еўрапейскага саюза вырашыла ўвесці абмежавальныя меры супраць адной фізічнай асобы і пяці юрыдычных асоб, звязаных з агрэсіяй Расіі супраць Украіны, піша УНІАН.
Cанкцыі ўведзеныя ў сувязі з жорсткай наўмыснай ваеннай кампаніяй, якая прыводзіць да паражэнняў грамадзянскай інфраструктуры.
Як гаворыцца ў паведамленні Рады ЕС, санкцыі звязаныя са смяротнымі масаванымі ўдарамі па Кіеве ў ноч на 1 і 5 ліпеня.
Асобы і арганізацыі, якія трапілі пад санкцыі, уваходзяць у расійскі ваенна-прамысловы комплекс, у тым ліку займаюцца вытворчасцю беспілотнікаў.
Каментары