Памёр адзін з найстарэйшых святароў Гродзенскай епархіі — Мікалай Гляд
Яму было 70 гадоў.
Мікалай Гляд памёр 12 ліпеня з прычыны раптоўнай хваробы. Ён служыў у храме Мікалая Цудатворца ў Дубне Мастоўскага раёна.
«Смерць протаіерэя Мікалая Гляда — незаменная страта для Гродзенскай епархіі. Яго жыццё было цалкам прысвечана служэнню святой Царквы Хрыстовай і людзям, якіх ён акармляў з неаслабнай пастырскай рэўнасцю на працягу больш як трыццаці сямі гадоў», — паведамляе Гродзенская епархія.
Мікалай Гляд нарадзіўся 22 кастрычніка 1955 года ў в. Рубель Столінскага раёна Брэсцкай вобласці ў набожнай сям'і. Праз месяц быў ахрышчаны ў тамтэйшай царкве. Атрымаў спецыяльнасць ва Украіне, служыў у войску.
У кастрычніку 1987 года ўзяў царкоўны шлюб з Марыяй Разановіч. У іх было чацвёра сыноў: Андрэя, Юрый, Мікалай і Васіль.
Мікалай Гляд адчуў пакліканне да пастырскага служэння, айцец Мікалай паступіў у Мінскую духоўную семінарыю, якую з поспехам скончыў у 1997 годзе. У 1988 годзе быў пасвечаны ў сан дыякана, потым іерэя (святара).
Служыў настаяцелем храма ў в.Кузьмічы Ваўкавыскага раёна, потым у Самуйлавічах. У Дубне служыў са снежня 2000 года. Быў узнагароджаны некалькімі ўзнагародамі БПЦ.
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары