Канстытуцыйны суд Казахстана афіцыйна абнуліў прэзідэнцкія тэрміны Такаева
Такаеў можа балатавацца на прэзідэнцкіх выбарах зноў.
У сувязі са ўступленнем у сілу новай Канстытуцыі краіны, тэрміны паўнамоцтваў прэзідэнта Казахстана Касым-Жамарта Такаева былі афіцыйна абнулены. Адпаведнае рашэнне ў аўторак апублікаваў Канстытуцыйны суд рэспублікі. Гэта рашэнне адкрывае для Такаева магчымасць зноў балатавацца на пасаду кіраўніка дзяржавы.
Новы Асноўны закон краіны набыў моц 1 ліпеня 2026 года.
Канстытуцыйны суд пасля афіцыйнага запыту самога Такаева патлумачыў, што любыя абранні або прызначэнні на вышэйшыя пасады, якія адбыліся ў перыяд дзеяння ранейшай Канстытуцыі 1995 года, пры прымяненні новых абмежаванняў проста не ўлічваюцца.
Праца на вышэйшых пасадах пры мінулай рэдакцыі закона не перашкаджае заняць іх зноў. Як адзначыў суд у сваім тлумачэнні, абранне або прызначэнне такіх асоб пасля 1 ліпеня разглядаецца як ажыццёўленае ўпершыню.
Касым-Жамарт Такаеў узначальвае Казахстан з 2019 года, калі заняў пасаду пасля адстаўкі першага прэзідэнта Нурсултана Назарбаева, а затым перамог на выбарах.
У 2022 годзе ў краіне ўвялі адзіны сямігадовы тэрмін без права перавыбрання, і паводле старых нормаў паўнамоцтвы Такаева былі строга абмежаваныя і мусілі скончыцца ў 2029 годзе.
Цяперашняе рашэнне цалкам нівелюе гэтае абмежаванне, хоць у 2022 годзе Такаеў публічна заяўляў, што не плануе абнуляць свае тэрміны. Новая рэдакцыя Канстытуцыі была прынята на рэферэндуме 15 сакавіка пры абвешчанай падтрымцы ў 87,15% выбаршчыкаў.
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў33
Каментары