Свет

Перамога Бёрнэма на выбарах адкрывае яму шлях да барацьбы за пасаду прэм'ера Брытаніі

56‑гадовы ветэран лейбарысцкай палітыкі Бёрнэм з’яўляецца самым папулярным палітыкам у краіне. Цяперашні прэм’ер-міністр Кір Стармер у гэтым рэйтынгу — на 21‑м месцы.

Фота: Christopher Furlong/Getty Images

Мэр Вялікага Манчэстэра Эндзі Бёрнэм перамог на дадатковых парламенцкіх выбарах, што адкрывае яму шлях да барацьбы за лідарства ў Лейбарысцкай партыі і, патэнцыйна, за пасаду прэм’ер-міністра Вялікабрытаніі. Пазіцыі сённяшняга кіраўніка ўрада Кіра Стармера аслаблі пасля разгромных вынікаў лейбарыстаў на муніцыпальных выбарах у маі, піша Бі-бі-сі.

Бёрнэм атрымаў перамогу над Робертам Кеньёнам, кандыдатам правапапулісцкай партыі Reform UK Найджэла Фараджа.

Дадатковыя парламенцкія выбары ў акрузе Мэйкерфілд на паўночным захадзе Англіі былі прызначаныя пасля таго, як былы дэпутат ад гэтай акругі Джош Сайманс склаў паўнамоцтвы, каб расчысціць шлях для вяртання Бёрнэма ў парламент.

Па словах Бёрнэма, перамога ў Мэйкерфілдзе можа стаць «пераломным момантам», які прывядзе да «змен, у якіх мае патрэбу краіна».

На мясцовых выбарах 7 мая як кіроўныя лейбарысты, так і кансерватары панеслі сур’ёзныя страты, саступіўшы значную частку галасоў правапапулісцкай партыі Reform UK Найджэла Фараджа і, у меншай ступені, Партыі зялёных.

Пасля няўдалых вынікаў ціск на Стармера ўнутры партыі прыкметна ўзмацніўся, аднак ён адмовіўся сыходзіць у адстаўку.

Поспех Бёрнэма можа стаць адпраўной кропкай для барацьбы за лідарства ў Лейбарысцкай партыі і прывесці да змены кіраўніка ўрада. Сам Стармер, аднак, заяўляў, што мае намер працягваць працу.

Калі Бёрнэм, як чакаецца, ініцыюе барацьбу за лідарства, гэта будзе ўжо яго трэцяя спроба.

Ён двойчы ўдзельнічаў у выбарах кіраўніка партыі: у 2010 годзе прайграў Эду Мілібэнду, а ў 2015 годзе — Джэрэмі Корбіну.

У выпадку змены прэм’ер-міністра Вялікабрытанія можа атрымаць ужо сёмага кіраўніка ўрада за крыху больш чым дзесяцігоддзе.

«Гэта апошні шанец на змены»

У сваёй пераможнай прамове Бёрнэм звярнуўся да членаў Лейбарысцкай партыі, назваўшы вынік выбараў «апошнім шанцам на змены».

«Другога шанцу не будзе», — сказаў ён, дадаўшы, што цяпер існуе магчымасць пабудаваць «новую палітыку, заснаваную на адзінстве і надзеі».

Выказваючы шкадаванне наконт таго, што яго перамога азначае завяршэнне працы на пасадзе мэра Вялікага Манчэстэра, Бёрнэм заявіў, што пераадолець разрыў паміж поўначчу і поўднем Англіі немагчыма «без маштабных змен на нацыянальным узроўні».

«Я заўсёды ведаў, што аднойчы вярнуся ў Вестмінстэр, каб завяршыць незавершаную справу, каб Мэйкерфілд, Вялікі Манчэстар і поўнач Англіі змаглі рэалізаваць свой патэнцыял», — сказаў ён.

«Кароль поўначы» Эндзі Бёрнэм

56‑гадовы ветэран лейбарысцкай палітыкі Бёрнэм, паводле вынікаў апытанняў кампаніі YouGov, з’яўляецца самым папулярным палітыкам у краіне. Прэм’ер-міністр Кір Стармер у гэтым рэйтынгу — на 21‑м месцы.

Бёрнэм быў дэпутатам Палаты грамадаў на працягу 16 гадоў да абрання мэрам у 2017 годзе і займаў розныя пасады ва ўрадах Тоні Блэра і Гордана Брауна.

У 2017 годзе Бёрнэм перамог на выбарах мэра Вялікага Манчэстэра — гэта агламерацыя з насельніцтвам каля трох мільёнаў чалавек — і пакінуў Палату абшчын. Затым ён яшчэ двойчы пераабіраўся мэрам, кожны раз перамагаючы з вялікім адрывам.

«Каралём поўначы» яго называлі прэса і палітыкі падчас пандэміі каранавіруса, калі ён узяў на сябе нефармальную ролю прадстаўніка ўсёй паўночнай часткі Англіі і адкрыта спрачаўся з Лонданам і тагачасным урадам кансерватараў наконт лакдаунаў і іншых супрацьэпідэмічных мер.

Працэдура выбараў

Згодна са статутам Лейбарысцкай партыі, каб ініцыяваць новыя выбары кіраўніка партыі пры дзеючым лідары, які не гатовы сыходзіць, член партыі павінен:

— па-першае, быць дэпутатам Палаты грамадаў,

— па-другое, сабраць подпісы 20% парламенцкай фракцыі (цяпер — 81 подпіс),

— па-трэцяе, атрымаць падтрымку мінімум трох звязаных з партыяй арганізацый, дзве з якіх павінны быць прафсаюзамі.

Каментары

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны18

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

Эстонія закрывае мяжу з Расіяй з 1 снежня. Прычынай стала спроба ГРУ падпаліць абаронны завод 19

Пяць краін ЕС адкрываюць у Руандзе лагер для дэпартаваных мігрантаў. Раней Брытанія страціла на падобнай схеме амаль мільярд даляраў6

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал27

У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет1

У Беларусі за апошнія гады ліквідавалі 40 праваслаўных прыходаў5

Украінскія дроны не могуць дагнаць рэактыўныя «Шахеды». У SpaceX кажуць пра тэхнічны збой3

«А як ты выкупіў адразу акцэнт?» Рэпер Баста па голасе пазнаў музыканта з Чавусаў і расказаў пра сваё дзяцінства ў закрытым гарадку пад Дзятлавам8

Амаль 400‑метровы пуцеправод паміж Каменнай Горкай і Лебядзіным абяцаюць адкрыць да канца года2

На Канары за суткі прыбылі амаль паўтары тысячы мігрантаў5

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны18

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць