Медыкі раяць простыя. але эфектыўныя сродкі.
Пры тэмпературы вышэйшай за 26 градусаў кожныя паўгадзіны трэба выпіваць шклянку вады.
Медыкі раяць простыя сродкі:
— піць зялёную гарбату,
— насіць лёгкую, светлую адзежу з натуральных тканін,
— хавацца ў ценю,
— есці марожанае,
— менш карыстацца касметыкай.
У спякоту не варта піць піва і моцную каву. Першае выклікае абязводжванне, а другая — нагрузку на сасуды.
Не раяць дактары піць моцныя алкагольныя напоі, нават у кактэйлях. У спалучэнні са спякотай гэта можа выклікаць спыненне сэрца.
Пры тэмпературы вышэйшай за 26 градусаў кожныя паўгадзіны трэба выпіваць шклянку вады.
Астудзіць паветра ў памяшканнях дапамогуць і ёмістасці з вадой. Карысна ў спякотныя дні пырскаць у памяшканні пульверызатарам, класці на плечы мокрую хустку, прымаць халодны душ.
Пры пагаршэнні самаадчування варта раз на дзве гадзіны паляжаць на канапе — гэта дапаможа знізіць ціск у сасудах.
Гэтыя парады лёгка выканаць дома і на працы. А што рабіць тым, хто ў такую спёку павінен шмат часу праводзіць за стырном?
Панізіць тэмпературу ў машыне можна некалькімі спосабамі. Самы просты — выкарыстоўваць шторкі для абароны ад сонца. Таксама варта часцей мыць машыну. Чым больш бруду на кузаве і шкле, тым горш ад іх адлюстроўваецца сонечнае святло і тым хутчэй машына награецца.
Не загарайце празмерна!
Празмерны загар сушыць скуру і паскарае працэс старэння. Бесперапыннае загаранне можа выклікаць рак.
Сонечная радыяцыя разбурае калагенавыя валокны, што памяншае эластычнасць скуры. Ультрафіялетавыя промні пранікаюць глыбей — у дэрму — і выклікаць некантраляваныя змены ў эпідэрмісе, аслабляюць імунныя механізмы скуры. З’яўляюцца новыя радзімкі. У канцы гэтага спісу — меланома і іншыя наватворы.
Пара парадаў наконт кандыцыянера і вентылятара
Самы просты выхад — купіць вентылятар. Калі пад яго пакласці некалькі бутэлек з вадой, папярэдне замарожаных у маразільніку, атрымаецца яшчэ і халоднае паветра. Набываючы вентылятар звяртайце ўвагу на ўзровень шуму, абарону ад пападання вады ўнутр механізму.
Кандыцыянеры існуюць двух тыпаў — стацыянарныя кампрэсарныя і лёгкія мабільныя. Апошнія не патрабуюць папярэдняй устаноўкі.
Анжаліка Мельнікава пасля знікнення набыла дзве кватэры ў Мінску90
Каментары