Па прапускным пункце Тэрэспаль пры перасячэнні беларуска-польскай мяжы польскія мытнікі знайшлі ў багажы грамадзянкі Беларусі вялікі кавалак каралавага рыфа вагой больш за 1,5 кг. Жанчына не палічыла патрэбным яго задэклараваць, паведамляе прэс-служба Польскай мытні.
Каралы адносяцца да відаў, якім пагражае знікненне, таму яны ахоўваюцца паводле міжнароднай канвенцыі CITES. Для іх перавозкі праз мяжу патрэбныя спецыяльныя дазволы, якіх у падарожніцы не было. Сама яна тлумачыла парушэнне простым няведаннем правілаў, але гэта не вызваляе ад адказнасці. У выніку супраць беларускі распачалі крымінальную справу.
Мытнікі нагадваюць, што ўвоз або вываз рэдкіх відаў жывёл і раслін праз мяжу Еўрасаюза дазваляецца толькі з адпаведнымі дакументамі, якія выдаюцца дзяржаўнымі органамі. Незаконны перавоз такіх відаў лічыцца злачынствам і можа карацца пазбаўленнем волі ад трох месяцаў да пяці гадоў.
Канвенцыя CITES, падпісаная ў 1973 годзе, накіраваная на тое, каб абараніць рэдкія віды жывёл і раслін ад знішчэння праз міжнародны гандаль.
«Не спадабаліся прадукты на паліцы — і пішуць туды эсэмэску». МУС назвала Threads пагрозай бяспецы і заявіла пра затрыманні13
Каментары