Тэрмін працягласці гэтых збораў можа скласці да 60 сутак, час прыбыцця на зборы — да сутак
У Генштабе расказалі, што можа вызваліць ад выкліку.
Ва Узброеных сілах праводзіцца другі этап праверкі ўзроўню баявой і мабілізацыйнай гатоўнасці асобных злучэнняў і воінскіх часцей. З гэтай мэтай вайсковымі камісарыятамі ажыццяўляецца набор вайсковаабавязаных на вайсковыя зборы па праверцы мабілізацыйнай гатоўнасці, расказаў намеснік начальніка ўпраўлення галоўнага арганізацыйна-мабілізацыйнага ўпраўлення Генеральнага штаба Узброеных сіл палкоўніка Юрый Ганціеўскі.
«Гэты від збораў мае шэраг асаблівасцяў. Тэрміны прыбыцця вайсковаабавязаных на папярэднія пункты збору з моманту атрымання позвы мінімальныя і могуць складаць менш за суткі. Тэрмін працягласці гэтага віду збораў можа складаць да 60 сутак.
Юрый Ганціеўскі дадаў, што падставы, паводле якіх вайсковаабавязаныя могуць быць вызваленыя ад праходжання вайсковых збораў, вызначаныя ў артыкуле 71 Закона Рэспублікі Беларусь «Аб вайсковым абавязку і вайсковай службе», а таксама ў артыкуле 17 Закона Рэспублікі Беларусь «Аб мабілізацыйнай падрыхтоўцы і мабілізацыі».
У артыкуле 71 у асобных выпадках пры наяўнасці паважных прычын і пацвярджальных дакументаў вайсковым камісарам раёнаў, гарадоў даецца права вызваляць вайсковаабавязаных ад праходжання вайсковых збораў па іншых прычынах, расказаў прадстаўнік Генштаба.
Ён прывёў наступны прыклад: непаўналетняе дзіця, катаючыся на горцы, зламала руку. Яго маці ў гэты час знаходзіцца ў камандзіроўцы. Бацька вайсковаабавязаны атрымлівае позву для прыбыцця на вайсковыя зборы. Падаўшы ўсе пацвярджальныя дакументы, вайсковым камісарам было прынятае рашэнне вызваліць гэтага вайсковаабавязанага ад праходжання вайсковых збораў.
Цяпер чытаюць
Хто забараняе ў Беларусі кнігі — вось гэтыя 22 чалавекі33
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары