У маі беларусы расхапалі ўсе квіткі на лістападаўскі канцэрт расійскага поп-спевака ў Мінску. Цяпер Білан абвясціў дадатковы канцэрт — і квіткі на 15‑тысячную «Мінск-Арэну» зноў разбіраюць.
Спачатку планавалася, што Білан выступіць на «Мінск-Арэне» толькі 14 лістапада. За паўгода да запланаванай даты, 14 мая, у сацсетках спевака абвясцілі пра солд-аут. А тыя, хто не паспеў ухапіць квіток, пачалі прасіць пра дадатковы канцэрт.
І Білан іх пачуў. Днямі ў сацсетках білетнага аператара Ticketpro з’явіліся звесткі, што 13 лістапада, перад асноўным шоу, спявак зладзіць яшчэ адзін канцэрт на «Мінск-Арэне». Ахвотных зноў шмат — засталося прыкладна 20% квіткоў.
У каментарах інстаграма Ticketpro, аднак, жартуюць пра хадулі і пытаюцца пра памер сцэны. Справа ў тым, што Білан трапіў у вялікі скандал.
31 ліпеня ён зладзіў вялікае шоу ў Маскве, але сотні гледачоў просяць вярнуць грошы за квіткі. Замест сцэны звыклага фармату, дзе выступоўца і гледачы бачаць адно аднаго, на тым канцэрце паставілі высачэзную платформу вышынёй некалькі метраў. Уладальнікі дарагіх квіткоў у фан-зону ў выніку глядзелі ўвесь канцэрт не на Білана, а ў платформу-сцяну.
«Наша Нiва» — бастыён беларушчыны
ПАДТРЫМАЦЬЦіханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»31
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары