«Гэта каланіяльная тэрыторыя», — мяркуе міністр замежных спраў Расіі.
Грэнландыя — аўтаномная вобласць Даніі, на прэтэнзіі да якой заяўляе прэзідэнт ЗША Дональд Трамп, — не з’яўляецца натуральнай часткай каралеўства, заявіў міністр замежных спраў РФ Сяргей Лаўроў. Паводле яго слоў, валоданне Капенгагенам гэтым стратэгічна важным востравам з’яўляецца вынікам каланізацыі.
«Грэнландыя першапачаткова не была часткай ні Даніі, ні Нарвегіі. Гэта каланіяльная тэрыторыя. Хаця жыхары прывыклі да свайго становішча і адчуваюць сябе камфортна, сутнасць застаецца ранейшай», — паведаміў Лаўроў на прэс-канферэнцыі, прысвечанай падвядзенню вынікаў працы расійскай дыпламатыі ў 2025 годзе.
Міністр таксама параўнаў Грэнландыю з Крымам з пункту гледжання значнасці гэтых тэрыторый: «Крым не менш важны для бяспекі Расійскай Федэрацыі, чым Грэнландыя для Злучаных Штатаў». Паводле яго слоў, на тэрыторыі Крыма перад яго анексіяй Масквой быў праведзены рэферэндум, у той час як у Грэнландыі «ніхто ніякіх перамоваў з насельніцтвам не праводзіў: Трамп проста заявіў, што гэтая тэрыторыя патрэбная для бяспекі ЗША». Такая пастаноўка пытання не адпавядае прынцыпам, ухваленым Генеральнай асамблеяй ААН, дадаў кіраўнік расійскага МЗС.
Памілаваныя 15 чалавек, сярод якіх 13 палітвязняў15
Каментары