У цэнтры Мінска прадаюць кватэру з нестандартным балконам і відам на праспект
Жытло незвычайнае яшчэ і тым, што гэта не адна, а дзве сумежныя кватэры.
У самым цэнтры Мінска, каля Кастрычніцкай плошчы, на продаж выстаўлена кватэра з нестандартным балконам, з якога адкрываецца від на праспект. Жытло незвычайнае яшчэ і тым, што гэта не адна, а дзве сумежныя кватэры, якія, па словах прадаўца, можна выкарыстоўваць як агульную прастору, так і асобна, піша Realt.by.
Адрас дома — праспект Незалежнасці, 23. На першым паверсе працуе ўніверсам «Цэнтральны» і ёсць уваход у метро на станцыі «Кастрычніцкая». Дом пяціпавярховы, пабудаваны ў 1955 годзе. У 2015 годзе ў доме зрабілі капітальны рамонт.
Кватэра месціцца на чацвёртым паверсе. Менавіта на ім ёсць балконы, але іх у доме, дарэчы, вельмі мала. А паколькі кватэра кутняя, гэты балкон становіцца яшчэ больш унікальным. Вось як ён выглядае. І вось які адкрываецца від.
Што тычыцца самай кватэры (ці дакладней — дзвюх кватэр, аб’яднаных разам), агульная плошча складае 139 квадратаў, а жылыя памеры — 81 метр. У кватэры 4 жылыя пакоі і 2 санвузлы.
Кошт гэтай нестандартнай чатырохпакаёвай кватэры — 360 тысяч даляраў, а кошт за метр — 2 590 даляраў.
Цяпер чытаюць
Што вядома пра віцебчука, якога вінавацяць у спробе падрыву самалёта ў Германіі15
Каментары