З’явіліся першыя кадры з новай серыі мультсерыяла «Прастаквашына», у якім адным з герояў стане Уладзімір Пуцін, піша РБК.
Як стала вядома, прэзідэнта Расіі намалявалі як персанажа папулярнага мультсерыяла. На апублікаваных кадрах ён паказаны разам з вядомымі героямі «Прастаквашына» — Дзядзем Фёдарам, катом Матроскіным, Шарыкам, паштальёнам Печкіным і іншымі.
Сапраўднасць гэтых матэрыялаў пацвердзіла РБК крыніца на медыярынку, а «Саюзмультфільм» атрымаў адпаведны запыт ад журналістаў.
Пра тое, што Пуцін з’явіцца ў мультсерыяле, яшчэ раней на Пецярбургскім міжнародным эканамічным форуме паведаміла старшыня рады дырэктараў «Саюзмультфільма» Юліяна Слашчова. З ейных слоў, такі крок разглядаецца як сродак «мяккай сілы» для папулярызацыі Расіі і яе культуры за мяжой.
Абноўлены серыял «Прастаквашына» выходзіць з 2018 года, і да чэрвеня 2025‑га ўжо створана шэсць сезонаў. Герояў агучваюць вядомыя акцёры: ката Матроскіна — Антон Табакоў, Шарыка — Гарык Сукачоў, Павел Дзеравянка і Мікіта Волкаў, а паштальёна Печкіна — Іван Ахлабысцін.
У новым праекце з’явіліся і дадатковыя персанажы, напрыклад Тама-Тама — разумная істота, падобная да грызуна, своеасаблівая сумесь вавёркі і кенгуру.
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»47
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары
Яшчэ пару гадоў таму, нават пасля 2020 і 2022, неаднойчы меў сітуацыю, што беларусы абураліся, калі звярталася ўвага на прапагандысцкі фактар савецкіх і расейскіх мульцікаў.
Чым такі каментар тут забаронены?