Італія прыпыніла ўдзел у праграме па закупцы амерыканскага ўзбраення для Украіны
Італія вырашыла часова спыніць свой удзел у праграме НАТА па закупцы амерыканскай зброі для Украіны. Як паведамляе Bloomberg, кіраўніцтва краіны тлумачыць гэта тым, што цяпер ідуць перамовы аб спыненні агню.
Міністр замежных спраў Італіі Антоніа Таяні заявіў: калі атрымаецца дамовіцца аб спыненні баявых дзеянняў, то патрэба ў новых пастаўках зброі знікне, а ў цэнтры ўвагі апынуцца гарантыі бяспекі для Кіева.
Такі падыход адрозніваецца ад пазіцыі еўрапейскай асацыяцыі ASD, якая заклікае краіны Еўропы працягваць нарошчваць вытворчасць узбраення незалежна ад ходу перамоў.
Bloomberg адзначае, што словы Таяні сведчаць: урад Джорджыі Мелоні карэктуе сваю стратэгію адносна Украіны на фоне абмежаваных рэсурсаў і рознагалоссяў ва ўрадавай кааліцыі.
Нягледзячы на заявы пра падтрымку Кіева, Італія стала першай еўрапейскай краінай, якая адкрыта сказала, што не хоча пастаўляць Украіне новую зброю ў перыяд перамоў аб спыненні агню.
Пры гэтым яшчэ ў кастрычніку Італія выказвала гатоўнасць далучыцца да праграмы НАТА PURL, якая была створаная пасля скарачэння амерыканскіх паставак і дазваляе саюзнікам закупляць зброю ЗША для Украіны.
Украіна тым часам паведамляе, што ёй патрэбна дадатковая зброя на суму 1 мільярд еўра на зімовы перыяд. Генеральны сакратар НАТА Марк Рутэ падкрэслівае: каля дзвюх трацін краін-саюзніц ужо ўдзельнічаюць у праграме, і ім варта выдзяляць не менш за 1 мільярда долараў штомесяц на закупку амерыканскай зброі для Украіны.
Рутэ з іроніяй пракаментаваў грозныя заявы Пуціна
Як па-рознаму выглядаў Стыў Уіткаф на сустрэчах з Пуціным і з украінцамі
Ушакоў: Кампрамісаў падчас сустрэчы Пуціна з Уіткафам не дасягнулі
«Зарабляйце, а не ваюйце». Трамп і Уіткаф вераць, што Пуцін можа пайсці на мір дзеля прыбыткаў. Або самі мараць аб зыску
Перад прыездам Уіткафа Пуціну далажылі пра захоп Пакроўска і Ваўчанска. Пацвярджэнняў гэтаму няма
Цяпер чытаюць
Як у галечы співалася радня Лукашэнкі? Малавядомыя факты7
Каментары