Людзі заўважылі страшны смурод.
У горадзе Ротвайль на поўдні Германіі давялося часова закрыць царкву пасля таго, як там пасялілася куніца, піша Spiegel.
Людзі заўважылі, што ў царкве Уваскрэшання Хрыста стаіць страшны смурод. Пакуль што дэзінсектар, які некалькі разоў прыязджаў, не здолеў знайсці жывёліну, і грамада вымушаная часова пакінуць будынак.
«Гэта невыносна», — сказаў пастар Юрген Рыгер выданню Schwarzwälder Bote пра пах гніення, які цяпер у царкве. «Для наведнікаў набажэнстваў гэта ўсё непрымальна, таму мы часова пераходзім у суседні парафіяльны цэнтр».
Смурод пачаўся некалькі дзён таму і рабіўся ўсё мацнейшым. Ён ідзе альбо ад памерлай куніцы, альбо ад падлы, якую куніца занесла ў ацяпляльныя шахты царквы. Мяркуецца, што там і знаходзіцца жывёліна.
Каментары