Лідэру дэмакратычных сіл давядзецца змагацца зь дзевяцьцю супернікамі
У аўторак у Эўрапарлямэнце ў часе надзвычайнага сумеснага паседжаньня камісіі ў міжнародных справах, камісіі разьвіцьця і падкамісіі правоў чалавека былі афіцыйна прадстаўленыя кандыдаты на ўзнагароду парлямэнту імя Андрэя Сахарава за 2006 год. Сярод 10 кандыдатаў ёсьць і лідэр беларускай апазыцыі Аляксандр Мілінкевіч.
Кандыдатуру Аляксандра Мілінкевіча на атрыманьне прэстыжнай прэміі імя Андрэя Сахарава вылучылі фракцыі Эўрапейскай Народнай партыі – Эўрапейскіх дэмакратаў, самая буйная фракцыя парлямэнту, і фракцыя "Група адзінства на карысьць Эўропы народаў".
Абгрунтоўваючы перад дэпутатамі выбар кандыдатам на атрыманьне ўзнагароды імя Сахарава Аляксандра Мілінкевіча, віцэ-сьпікер Эўрапарлямэнту Яцэк Сарыюш-Вольскі (Эўрапейская Народная партыя – Эўрапейскія дэмакраты) заявіў, што справа, якой займаецца апазыцыйны лідэр – блізкая справе Сахарава, што Мілінкевіч здольны ўплываць на людзей. Акрамя гэтага Аляксандар Мілінкевіч, паводле віцэ-сьпікера, патрабуе міжнароднай аховы і змагаецца за агульныя вартасьці, на падставе якіх быў створаны Эўразьвяз.
«Гэтая ўзнагарода даецца за свабоду думак, а у цяперашняй Беларусі якраз вольныя толькі думкі», – заявіла дэпутат Ганна Фольтын-Кубіцка ад Групы адзінства на карысьць Эўропы народаў.
У 2004 годзе узнагароду Эўрапейскага парлямэнту імя Андрэя Сахарава атрымала Беларуская асацыяцыя журналістаў.
-
У Гомелі зноў працуе рэстаран «Спадчына», закрыты пасля «Гукання вясны»
-
«Я заканчваю эфір, я проста не магу». Каверына давяла да шаленства дыскусія са святаром Шрамко
-
Міністр культуры выцягнуў у эфір чарговага Астапа Бэндара. І гэта стала апошняй кропляй: супраць гэтага фермера-хвалька выступіла сям’я
Цяпер чытаюць
Міністр культуры выцягнуў у эфір чарговага Астапа Бэндара. І гэта стала апошняй кропляй: супраць гэтага фермера-хвалька выступіла сям’я11
Каментары