Сапраўдны палкоўнік. Прарэктарам Гродзенскага ўніверсітэта стаў ваенкам
На пасаду новага прарэктара Гродзенскага дзяржаўнага ўніверсітэта імя Янкі Купалы быў прызначаны Вячаслаў Раманенка, былы кіраўнік ваеннага камісарыята Гродзенскай вобласці.
Прадставіўшы новага прарэктара, рэктар ГрДУ імя Янкі Купалы Ірына Кітурка адзначыла высокія прафесійныя і чалавечыя якасці Вячаслава Раманенкі, піша «Гродзенская праўда».
— Вячаслаў Уладзіміравіч — сапраўдны палкоўнік ва ўсіх сэнсах гэтага слова. Чалавек, які з’яўляецца не толькі таленавітым кіраўніком, але і проста добрым чалавекам. Вельмі адказным, вельмі надзейным і вельмі добрасумленным, — падкрэсліла Ірына Кітурка.
Падзякаваўшы за такія цёплыя словы, Вячаслаў Раманенка адзначыў, што вельмі рады стаць часткай купалаўскай сям’і, будзе рупліва працаваць і не падвядзе новы калектыў.
Вячаслаў Раманенка прайшоў доўгі шлях ад курсанта да кіраўніка ваеннага камісарыята Гродзенскай вобласці, якім стаў у 2015 годзе.
Каментары
Кстати, это его бывший заместитель недавно возглавил нац. архив в г. Гродно.