Пад Кіевам «мабілізавалі» ката. Вайсковец хацеў падарыць дзіцяці ката з прытулку, але забраў на вуліцы чужога
«Там ужо скандал на паўсяла».
У сеціве з'явілася відэа, як ва Украіне людзі ў ваеннай форме падабралі чужога ката і з'ехалі з ім на машыне.
Пішуць, што ката па мянушцы Мурчык у адным з сёл Кіеўскай вобласці падабралі, каб падарыць дзіцяці аднаго з вайскоўцаў. Спачатку вайскоўцы хацелі паехаць у прытулак, але былі нападпітку і вырашылі ўзяць ката «з вуліцы», піша УНІАН.
Карыстальнікі выказалі здагадку, што гэта маглі быць супрацоўнікі ТЦК, аднак у Кіеўскім абласным тэрытарыяльным цэнтры камплектавання і сацыяльнай падтрымкі паведамілі, што іх супрацоўнікі ката не бралі. Там таксама адзначылі, што такую форму, як людзі на відэа, супрацоўнікі ўвогуле не носяць.
Тых, хто забраў ката, у выніку знайшлі, але яны адмовіліся вяртаць Мурчыка гаспадарам, пакуль з групы жыхароў сяла не выдаляць відэа з «мабілізацыяй» пухнатага: «Там ужо скандал на паўсяла».
Начальнік міліцыі Брагіна страляў у сваю жонку. Яна цудам выжыла8
Каментары