У польскай мясцовасці Палацічы непадалёк ад памежнага пераходу ў Тэрэспалі ўпаў дрон. Інцыдэнт адбыўся ў нядзелю каля 22:00. Беспілотнік выявілі супрацоўнікі Надбужанскага аддзялення Памежнай службы, паведамляе Польскае радыё.
Фота: Польскае радыё
Прадстаўнік ведамства Павел Смык паведаміў Польскаму радыё: «Памежнікі выявілі дрон побач з дзяржаўнай мяжой, недалёка ад аўтамабільнага пераходу Тэрэспаль. Апарат упаў у кукурузнае поле. Ніхто не пацярпеў. У гэты момант месца здарэння ахоўваюць паліцыя і ваенная жандармерыя, працягваюцца працэсуальныя дзеянні».
Пра падзенне беспілотніка былі паведамлены кампетэнтныя службы і пракуратура ў Бялай-Падлясцы. Паводле даеных Міністэрства абароны, дрон упаў прыкладна за 300 метраў ад мяжы з Беларуссю.
«Не спадабаліся прадукты на паліцы — і пішуць туды эсэмэску». МУС назвала Threads пагрозай бяспецы і заявіла пра затрыманні13
Каментары