Паводле паведамлення Гродзенскага заапарка ў сваім тэлеграм-канале, жывёліна абрала для сябе вадаём на тэрыторыі заапарка.
Скрыншот з відэа
Спачатку бабра бачылі толькі ўначы, і супрацоўнікі заапарка спадзяваліся, што ён пойдзе далей шукаць сваіх суродзічаў і створыць сям’ю за межамі горада.
Аднак з цягам часу з’явілася відэа, як жывёліна плавае ўжо і днём, што сведчыць пра тое, што бабёр асвоіўся ў новым асяроддзі.
Як адзначаюць супрацоўнікі заапарка, да звыклых гарадскіх жыхароў — лісаў, норак, ласак — у Гродне паступова далучаюцца і бабры.
Каментары