Маладая беларускамоўная спявачка запісала песню разам са сваёй бабуляй. Паслухайце, як міла атрымалася
«Як патлумачыць маёй бабулі, што ў 95 год у яе з’явілася картачка артыста ў нейкім там споціфай».
Случчанка Вікторыя Валатовіч, што выступае пад псеўданімам Nevika, расказала ў інстаграме, як запісала бабуліну песню з бабуліным голасам, у бабулінай сукенцы. І бабулі спадабалася!
Вікторыя кажа, што аднойчы бабуліны спевы трапілі на яе дыктафон, і яна адразу вырашыла, што будзе рабіць.
У бабулінай шафе яна знайшла сукенку, якой шмат год, каб зрабіць у ёй здымак на вокладку для сумеснай песні.
«Па словах бабулі, гэта песня паходзіць з вёсак Слуцкага раёна і апісвае тое становішча, у якім апынуліся дзяўчаты ў пасляваенныя гады. Пра тое, што ў іх не было магчымасці выбіраць, за каго ісці замуж і каго кахаць. З іншага боку, гэта песня апісвае тое, наколькі моцнымі духам былі нашыя бабулі», — распавяла спявачка.
22 жніўня песня «Доля» з'явілася ў сеціве. І бабулі спадабалася. «Як патлумачыць маёй бабулі, што ў 95 год у яе з’явілася картачка артыста ў нейкім там споціфай», — жартуе Вікторыя.
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу11
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары
Бабуліна песня атрымала новае жыццё дзякуючы такой цудоўнай і таленавітай унучачцы.