На скрыжаванні Багдановіча і Машэрава ў Мінску зменяць схему арганізацыі руху
Гэта робіцца для павышэння бяспекі.
У ДАІ лічаць, што асноўнымі праблемамі на скрыжаванні былі праезд на забараняльны сігнал святлафора, а таксама аварыйнасць, звязаная з паваротам транспартных сродкаў налева на забараняльны сігнал дадатковай секцыі святлафора, пішуць Мінск-навіны.
Што зменіцца на скрыжаванні? На праспекце Машэрава з абодвух бакоў абсталююць накіраваныя астраўкі і паставяць спецыяльныя вынасныя святлафорныя калонкі даўжынёй 6 м. Чакаецца зрушэнне стоп-ліній.
У будучыні накіраваныя астраўкі будуць і на вул. Максіма Багдановіча.
«Па ацэнцы сталічнай Дзяржаўтаінспекцыі, такое рашэнне дазволіць забяспечыць бяспечныя ўмовы руху на згаданым перасячэнні за кошт змяншэння зоны скрыжавання (ад стоп-лініі да стоп-лініі) і павысіць бачнасць сігналаў святлафораў для вадзіцеляў транспартных сродкаў», — паведамляюць «Мінск-навіны».
Каментары