Намесніца міністра адказала, чаму ў крамах памідоры горшыя, чым на рынках
Намесніца міністра антыманапольнага рэглявання і гандлю Святлана Караткевіч 23 ліпеня дала прэс-канферэнцыю. Сярод пытанняў, якое ёй задалі, было такое: чаму ў крамах памідоры горш, чым на рынках?
Як сцвярджаюць спажыўцы, памідоры, якія прадаюць у крамах, выглядаюць няспелымі, а вось на рынках прадаюцца прыгожыя, смачныя і духмяныя. Святлана Караткевіч, аднак, лічыць, што «не ўсё так адназначна».
«На рынках працуе гандаль прыватнай формы ўласнасці — ІП, фермеры, фізасобы. І, пагадзіцеся, сёння вырасціць нават 100 кілаграмаў — гэта на парадак менш выдаткаў. Як фізічных, так і матэрыяльных.
Але я б хацела стаць на абарону нашага гандлю. Часцяком гэта добрыя і якасныя прадукты. Але бываюць і нюансы. І мы гэтыя нюансы таксама адзначаем. Але найперш гэта сведчыць пра лакальныя моманты, пра тое, што ў канкрэтным гандлёвым аб'екце няма гаспадыні. Няма чалавека, які сачыў бы [за таварам]. Гэта сведчыць пра няякасную працу канкрэтных як крамы, так і чалавека.
Але часцяком, калі браць плодаагароднінную прадукцыю, мы купляем не на рынку, а ў гандлёвых аб'ектах. Таму тут не ўсё так адназначна», — сказала намесніца міністра.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі22
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4141
Каментары