«Тата, я табе пачытаю, і ты заснеш». Ціханоўскі падзяліўся душэўнай гісторыяй пра дачку
Сяргей Ціханоўскі падзяліўся з «Люстэркам» кранальнай гісторыяй пра тое, як дачка Агнія дапамагла яму вырашыць сур’ёзную праблему.
Сяргей Ціханоўскі расказаў, як упершыню пасля вызвалення яму атрымалася праспаць усю ноч. Паводле слоў былога палітвязня, у вырашэнні сур’ёзнай праблемы са сном яму дапамагла дачка Агнія.
— Першую ноч выспаўся выдатна — дзевяць гадзін. Учора дачка даведалася, што я папярэднія ночы не спаў — адну зусім, а другую толькі гадзінку. Яна сказала: «Тата, я табе ўвечары пачытаю кніжкі, і ты заснеш побач са мной». Яна мне пачытала кніжку, абняла, і я заснуў. Расплюшчваю вочы — прайшло дзевяць гадзін, — распавёў блогер на відэа.
Раней Ціханоўскі казаў, што адразу пасля вызвалення сутыкнуўся з сур’ёзнай праблемай са сном.
— Сёння раніцай упершыню я прачнуўся не а пятай раніцы, не а шостай ад званка. А ў 8:52. Упершыню за пяць з лішнім гадоў. Праўда, я заснуў перад гэтым літаральна за гадзіну. Усю ноч ляжаў і не мог заснуць, — распавядаў былы палітвязень на прэс-канферэнцыі 22 чэрвеня.
Цяпер чытаюць
Крык душы Бяспалава пра Ціханоўскага: Ён ператвараецца ў Лукашэнку 2.0, гэта траянскі конь77
Каментары
Лукашэнка плешча ў ладкі.