Аляксандр Лукашэнка 6 чэрвеня падпісаў указ «Аб дзейнасці ў сферы гульнявога бізнэсу», паведамляе прэс-служба палітыка. Асноўная заяўленая мэта дакумента — наводзіць парадак у галіне гульнявога бізнэсу і ўзмацніць кантроль за яго працай.
Указ уводзіць больш строгія правілы для ідэнтыфікацыі гульцоў. Цяпер зарэгістравацца ў інтэрнэт-казіно можна будзе толькі асабіста ў сапраўднай гульнявой установе або праз відэасувязь у інтэрнэце.
Запісы з камер відэаназірання будуць захоўвацца не 30, а 60 дзён. Таксама дазваляецца выкарыстоўваць гульнявыя аўтаматы, якім больш за 10 гадоў, але толькі калі яны адпавядаюць тэхнічным патрабаванням і ўключаныя ў дзяржаўны рэестр.
Уводзяцца новыя абмежаванні:
- забараняецца мець больш за адзін гульнявы рахунак;
- нельга гуляць па просьбе або даручэнні іншых асоб;
- арганізатарам забараняецца выдаваць грошы, карткі ці іншыя сродкі аплаты, калі ў кліента няма ўласных сродкаў;
- банкі і фінансавыя арганізацыі не могуць пералічваць грошы замежным арганізатарам азартных гульняў.
Каб прадухіліць махінацыі, выкарыстанне крыптавалюты для ставак і выйгрышаў будзе дазволена толькі праз кампаніі — рэзідэнты Парка высокіх тэхналогій, якія працуюць як крыптаплатформы.
Таксама дакумент вызначае, як будуць правяраць, ці належаць грошы канкрэтнай асобе, каб дапусціць яе да ўдзелу ў гульні.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары
А рэальная - збіраць самім (сямейнаму бізнесу) тыя грошы азартных гульцоў з залежнасцямі, якія раней ішлі за мяжу.