У Беларусі раскрылі незаконны крыптаабменнік з абаротам у 2,5 мільярда рублёў. Ягоная дзейнасць трапіла ў поле зроку сілавікоў яшчэ восенню 2024 года.
Як высветлілі супрацоўнікі Дэпартамента фінансавых расследаванняў па Мінскай вобласці і горадзе Мінску, абменнікам дыстанцыйна кіраваў арганізатар, які ўвесь час знаходзіўся ў Польшчы. У Беларусі ўсе аперацыі, звязаныя з купляй і продажам крыптавалюты, выконвала ягоная жонка.
Муж і жонка таксама адказвалі за размеркаванне грашовых узнагарод сярод іншых удзельнікаў схемы: тэхнічнай падтрымкі, сістэмнага адміністратара і так званых «дропаў» — людзей, што пераводзілі грошы ў наяўныя праз банкаўскія карты, аформленыя на сябе.
Паводле звестак органаў дзяржкантролю, арганізатар атрымліваў 40% даходаў, сістэмны адміністратар — 20%, а «дропам» плацілі каля 1000 рублёў у месяц.
Агульны абарот незаконнага абменніка склаў 2,5 мільярда беларускіх рублёў, а папярэдні аб'ём нясплачаных падаткаў — каля 1 мільёна.
Супраць арганізатараў распачалі крымінальную справу.
Цяпер чытаюць
Каспяровіча перад гібеллю дапытвалі ў польскай контрразведцы — распытвалі пра візы для агентаў ААЦ з пашпартамі прыкрыцця і пра Бульбу2
Каментары