«Грошы перавязуць на інкасатарскай машыне»: жыхарка Магілёва аддала 18 тысяч «інвестарам»
28-гадовая жыхарка Магілёва стала ахвярай махляроў, якія прапанавалі ёй навучанне гандлю на крыптабіржы. За два месяцы жанчына пералічыла ашуканцам больш за 18 тысяч рублёў.
У Кастрычніцкі РАУС Магілёва звярнулася жанчына, якая распавяла, што да яе ў месенджары патэлефанаваў незнаёмы чалавек і прапанаваў навучанне гандлю на крыптабіржы. Яна згадзілася, атрымала навучальныя матэрыялы і падпісала дакументы, якія называліся «дагаворам аб інвеставанні і суправаджэнні».
Паводле інструкцый куратараў, жанчына здзяйсняла буйныя грашовыя пераводы. Праз некаторы час яна вырашыла вывесці прыбытак. Куратары паабяцалі, што грошы прывязе інкасатарская машына.
Пазней ёй паведамілі, што падчас перадачы кодавога слова кіроўцу адбылася памылка, і каб аднавіць працэс, неабходна заплаціць яшчэ тысячу долараў.
Толькі пасля гэтага яна зразумела, што мае справу з махлярамі. За два месяцы жанчына пералічыла ім больш за 18 тысяч беларускіх рублёў.
Па факце махлярства заведзена крымінальная справа.
Упершыню за чатыры гады Белстат апублікаваў звесткі аб нараджальнасці і смяротнасці. Даныя жахаюць39
Упершыню за чатыры гады Белстат апублікаваў звесткі аб нараджальнасці і смяротнасці. Даныя жахаюць
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў99
Каментары