Скончыў жыццё самагубствам 34-гадовы стваральнік музыкі і відэа Максім Бельскі
У 2020 годзе хлопец падтрымаў пратэсты, пасля чаго быў вымушаны з’ехаць у эміграцыю.

Максім Бельскі, вядомы як Makslonglive (даслоўны пераклад — Жыве Макс), пайшоў з жыцця 2 чэрвеня 2025 года. Пра гэта паведамілі яго сябры ў сацсетках. Хлопцу было 34 гады.
Максім Бельскі быў вядомы як стваральнік музыкі і відэа. Працаваў з расійскім комікам Данілам Папярэчным.
Максім далучыўся да падзей жніўня 2020 года ў Мінску. Яго здымкі з пратэстаў збіралі дзясяткі тысяч лайкаў. Ён быў аўтарам дакументальнага фільма «Жыве Беларусь» на 80 тысяч праглядаў, у якім зняўся сам.

Пасля хлопец з’ехаў з Беларусі. Жыў у Пецярбургу, у Тбілісі, у Вільні. Спрабаваў адкрыць бар у Грузіі, здымаў кліпы, але так і не даў рады эміграцыі. Яшчэ паўтара года назад Максім запісваў відэа «Як перажыць цяжкасці — эміграцыя, адзінота, стрэс, адсутнасць грошай і іншая лухта».
Па словах сяброў, прычынай сыходу сталі праблемы са здароўем і побытавая неўладкаванасць.
-
У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет
-
У Беларусі за апошнія гады ліквідавалі 40 праваслаўных прыходаў
-
У Беларусі перастала працаваць сістэма анлайн-кантролю за рухам тавараў — ад шын да фенаў. Гэта не першы такі збой сёлета
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал
Каментары