«Шчаслівая, што адважылася на свінню, а не нарадзіць другое дзіця». Беларуска гадуе міні-піга і не можа нарадавацца
Дызайнерка драўляных сумачак Крысціна Левіна з месяц таму завяла сабе ў кватэры міні-піга — дзяўчынку, якую яны з сынам назвалі Карыцай. Цяпер у сваім блогу яна падрабязна дзеліцца ўсімі этапамі сталення і выхавання дэкаратыўнай свінкі. «Навучыць яе за два тыдні хадзіць какаць і сікаць на пялюшку аказалася прасцей, чым майго сына за сем гадоў не апырскваць сваім жоўтым струменем плітку ў туалеце», — іранічна заўважае жанчына.
Крысціна Левіна жыве ў Мінску. З 2014 года яна займаецца стварэннем драўляных сумачак з ручным роспісам. У адным з відэа яна прэзентуе сябе як «34-гадовая маці-адзіночка з кватэрай у іпатэку і машынай у лізінг. Вырашыла не нараджаць другое дзіця, а завесці свінку. І я шчаслівая, што адважылася на свінню, а не на дзіця».
Па словах Крысціны, ад свінні зусім не пахне, у адрозненне ад сабак, і мыць яе прасцей.
«Яна пахне чалавекам, локцем. Лепш, чым каты і сабакі вашы. У яе жорсткая поўсць, і яе мыць — адно задавальненне. Пахне ад свіней у хляве, якія пад сябе ссуць, а мая кватэра — не хлеў, з маёй падлогі можна есці. Калі ж выводзіць свінку на вуліцу на траўку, то свае справы яна робіць у першыя тры секунды, і тут жа бяжыць дадому. Яна ўжо ведае дарогу да кватэры».
Дадатковы плюс свінкі — яна спіць усю ноч, не прачынаючыся і, прынамсі пакуль, нічога не грызе. Толькі можа пасмактаць некаторыя рэчы — напрыклад, шнуркі ад красовак.
я стала мамой
Крысціна расказвае, што корміць Карыцу малочнымі і безмалочнымі кашамі, а таксама дае дзіцячае пюрэ з гародніны і фруктаў. Неўзабаве гаспадыня плануе прывучаць міні-піга і да сырой гародніны, але пакуль у жывёлы няма на тое зубоў: яны вельмі маленькія і мяккія.
Нядаўна Крысціна набыла для Карыцы клубніцы, якія свінка каштавала ўпершыню. Спойлер: ёй спадабалася.
Што тычыцца гукаў, якія выдае Карыца, найбольш гучныя яны перад падачай ежы: свінка пачынае вельмі гучна віскатаць, калі не ў стане дачакацца прысмакаў.
моя булка корица
Абышоўся міні-піг сям’і ў 500 еўра. Набывалі Карыцу ў спецыяльным пітомніку ў Расіі. Дэкаратыўныя свінкі растуць да трох-пяці гадоў і ў залежнасці ад пароды і дыеты могуць дасягнуць 30-70 кілаграмаў вагі.
Каментары