Узарваны пад Масквой генерал Маскалік рыхтаваў для Пуціна матэрыялы пра вайну ва Украіне
Пра гэта гаворыцца ў некралогу вайскоўцу, апублікаваным Міністэрствам абароны ў ведамаснай газеце «Красная звезда», заўважыла «Новая газета Еўропа».
У публікацыі адзначаецца, што Яраслаў Маскалік маніторыў абстаноўку на фронце і дакладваў пра яе Пуціну і міністру абароны Андрэю Белавусаву.
Акрамя таго, з 2015 па 2021 год Маскалік уваходзіў у склад дэлегацый Мінабароны РФ у рабочай групе па пытаннях бяспекі Мінскай кантактнай групы і «прыцягваўся да вырашэння пытанняў урэгулявання канфлікту на паўднёвым усходзе Украіны», гаворыцца ў некралогу.
З пачатку поўнамаштабнага расійскага ўварвання ён кіраваў дзяжурнай зменай Групы баявога кіравання Генштаба Узброеных сіл РФ.
Генерал-лейтэнант Яраслаў Маскалік загінуў раніцай 25 красавіка ў Балашысе ў выніку выбуху аўтамабіля ў двары свайго дома. Пазней па абвінавачанні ў тэракце ў Маскве быў арыштаваны Ігнат Кузін.
Напярэдадні прэзідэнт Украіны Уладзімір Зяленскі заявіў, што разведка дала яму інфармацыю пра ліквідацыю «асоб з вышэйшага каманднага складу» расійскай арміі. Паводле здагадкі, гаворка ідзе пра Маскаліка. Зяленскі назваў гэта «добрымі вынікамі».
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары