Зяленскі прапануе Расіі падоўжыць забарону на дальнабойныя ўдары на 30 дзён
Хоць спынення баявых дзеянняў на Вялікдзень не назіралася, не было паветраных трывог.
Прэзідэнт Украіны Уладзімір Зяленскі прапануе Расіі падоўжыць забарону на дальнабойныя ўдары на 30 дзён.
«На гэтую гадзіну з пачатку сутак расійскае войска больш чым 2 тысячы разоў парушала пуцінскае спыненне агню.
Было ўжо 67 расійскіх штурмаў супраць нашых пазіцый на розных кірунках, і больш за ўсё — на Пакроўскім. 1355 расійскіх абстрэлаў, з іх 713 — цяжкае ўзбраенне, 673 прымяненні расейцамі FPV.
Фактычна на ўсіх асноўных кірунках фронту Расія не стрымала свайго ж абяцанні цішыні. Не хапіла Расіі і амаль усяго дня, каб адказаць на нашу ўкраінскую прапанову поўнай цішыні, пачынаючы зараз, з Вялікадня, і на 30 дзён», — паведаміў Зяленскі па выніках дакладу галоўнакамандуючага УСУ Аляксандра Сырскага.
Але разам з тым не было паветраных трывог. Той фармат цішыні, які дасягнуты, Зяленскі прапануе прадоўжыць.
«Украіна прапануе адмовіцца ад любых удараў дальнабойнымі дронамі і ракетамі па цывільнай інфраструктуры на тэрмін не менш за 30 сутак з магчымасцю падаўжэння.
Калі Расія не пагодзіцца на такі крок, гэта будзе доказам, што яна хоча рабіць і ў далейшым толькі тое, што знішчае жыцці людзей і працягвае вайну», — напісаў Зяленскі.
Дзяржаўны дэпартамент ЗША заявіў, што вітаў бы працяг абвешчанага Расіяй «велікоднага перамір'я».
У суботу прэзідэнт Расіі Уладзімір Пуцін абвясціў «велікоднае перамір'е» — яно прадугледжвала спыненне ўсіх баявых дзеянняў ва Украіне з вечара 19 красавіка да паўночы 21 красавіка. Аднак, як паказвае аналіз украінскага маніторынгавага праекта DeepState, баявыя дзеянні не спыніліся.
Цяпер чытаюць
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію3
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі44
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі4
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары