Кіроўца машыны з выбухоўкай паведаміў, што вёз яе ў Пяцігорск нейкаму Аліму
У справе аб нібыта перавозцы праз польска-беларускую мяжу 580 кілаграмаў выбухоўкі з'явіліся новыя фігуранты. Затрыманы кіроўца машыны Яўген Манько паведаміў у сюжэце «Беларусь 1», што канцавым атрымальнікам гэтага грузу меўся быць нейкі Алім з расійскага горада Пяцігорска.
«Я займаюся перавозкай аўтамабіляў з Еўропы ў Расію і Беларусь. Да мяне звярнуўся таварыш з Эстоніі, Раман, з якім я даўно супрацоўнічаю. Ніякіх падазрэнняў не было — я перавозіў для яго і тэхніку, і машыны.
Ён сказаў, што трэба даставіць аўтамабіль з Тэрэспаля ў Пяцігорск для заказчыка па імі Алім. Я з Алімам не меў зносіны, мая задача — даставіць машыну на мытны пост, перадаць яе і з'ехаць.
Адзінае, што ведаў: нейкі Іван займаўся пераробкай аўтамабіля. Машына была не проста грузавая, а пераабсталяваная ў аўтадом», — паведаміў Яўген Манько ў эфіры канала «Беларусь 1».
Раней паведамлялася, што бус Mercedes на малдаўскіх нумарах прыехаў у Беларусь з боку Польшчы 2 красавіка. Яго пераганялі з Літвы ў Расію. На гэтай машыне нібыта спрабавалі ўвезці найбуйнейшую ў гісторыі краіны партыю выбухоўкі — 580 кілаграмаў.
У той жа час польскія службы ставяцца да гэтай інфармацыі скептычна, называючы яе «прапагандысцкімі высілкамі рэжыму».
«Мы не каментуем матэрыялаў, што публікуюць службы Беларусі, разглядаючы іх як элементы дэзынфармацыі», — заявіў, у прыватнасці, прэс-сакратар Надбужанскага аддзела Памежнай аховы Польшчы, у які ўваходзіць пераход у Тэрэспалі, Дарыюш Сяніцкі.
У Беларусь спрабавалі ўвезці найбуйнейшую ў гісторыі краіны партыю выбухоўкі — 580 кг
На БТ паказалі затрыманага кіроўцу, які ехаў на бусе з выбухоўкай
Польскія службы адмаўляюць, што праз мяжу з Беларуссю правозілі выбухоўку
Пуцін падзякаваў Лукашэнку за затрыманне паўтоны выбухоўкі на мяжы
Крэмль не згадаў пра падзяку Пуціна Лукашэнку за затрыманне выбухоўкі на мяжы
Цяпер чытаюць
Каб не сядзець у Расіі за наркотыкі, малады даносчык з Ашмянаў запісаўся на фронт. Дый згінуў16
Каментары