Літоўскі генерал расказаў, што магло здарыцца з чацвёртым амерыканскім вайскоўцам, якога шукаюць
На літоўскім вайсковым палігоне ў літоўскім Падброддзі працягваецца пошукава-выратавальная аперацыя. Армія ЗША раней паведаміла, што пасля таго, як з балота на тэрыторыі палігона дасталі затанулы браніраваны эвакуатар M88, унутры яго былі знойдзены целы трох загінулых амерыканскіх вайскоўцаў. Пошукі чацвёртага салдата працягваюцца, піша Lietuvos rytas.
Начальнік штаба абароны Літоўскай арміі генерал-лейтэнант Рэмігіюс Балтрэнас 31 сакавіка ўвечары на тэрыторыі палігона паведаміў апошнія навіны.
«Вадалазы працягваюць сваю працу. Яны ныраюць, шукаючы месцы, дзе можа знаходзіцца салдат, выкарыстоўваючы пэўныя прыкметы. Дадаткова задзейнічаныя вадзяныя санары, якія дапамагаюць выявіць магчымыя месцы яго знаходжання. Трэці метад — гэта выкарыстанне дрона са сканавальным абсталяваннем. Ён скануе водную паверхню, каб вызначыць магчымыя месцы знаходжання салдата», — растлумачыў генерал.
Паводле яго слоў, гэтыя работы будуць працягвацца ўсю ноч.
Пошукі ўскладняюцца тым, што ў поўнай цемры цяжка намацаць нават велізарную браніраваную машыну, а знайсці ў твані чалавечае цела яшчэ цяжэй. Адзінае, што можа крыху палегчыць працу, — гэта тое, што цела салдата павінна знаходзіцца недзе побач з месцам, дзе знайшлі машыну:
«Пошукі пачаліся менавіта ў гэтым раёне, і цяпер мы пашыраем зону ў бакі. Вадалазы вельмі метадычна падзялілі ўвесь участак на квадраты і працуюць з імі», — адзначыў Рэмігіюс Балтрэнас.
На якой глыбіні можа знаходзіцца цела вайскоўца, дакладна не вядома.
Выказаўся генерал і пра тое, якім чынам адзін з чатырох вайскоўцаў мог апынуцца за межамі машыны.
«Дакладна казаць пра гэта вельмі складана, але, верагодна, сіла вады і гразі, з якой браняваная машына нырнула ў ваду, сваім ціскам магла выкінуць салдата з самой машыны».
Пацвердзілася гібель на палігоне ў Падброддзі толькі трох амерыканскіх вайскоўцаў. Адзін знік без вестак
Вайсковую машыну з амерыканскімі вайскоўцамі, што затанула на палігоне ў Літве, дасталі
Палкоўнік арміі ЗША пра пошук зніклых вайскоўцаў у Падброддзі: За 24 гады службы я не бачыў нічога падобнага
Эксперт пра знікненне амерыканскіх вайскоўцаў у Літве: Ёсць тры версіі
У Літве на мяжы з Беларуссю пасля вучэнняў зніклі чацвёра амерыканскіх вайскоўцаў
Цяпер чытаюць
ЗША перадалі Лукашэнку найноўшыя амерыканскія лекі для пахудзення18
Каментары