Прэзідэнт Украіны ў інтэрв’ю французскаму выданню Le Figaro заявіў, што Расія рыхтуе вясновае наступленне на паўночным усходзе Украіны — у Харкаўскай і Сумскай абласцях.
Паводле яго слоў, да гэтага наступу расійскі бок пачаў рыхтавацца яшчэ 8 месяцаў таму, але ўкраінскі наступ у Курскай вобласці Расіі сарваў гэтыя планы. Цяпер Крэмль, сцвярджае Зяленскі, перагрупаваў сілы і зноў гатовы да актыўных дзеянняў у гэтых рэгіёнах.
«Мы назіраем падрыхтоўку да гэтай аперацыі і дзелімся разведданымі з нашымі саюзнікамі», — сказаў Зяленскі.
З сярэдзіны сакавіка прыгранічныя раёны Сумшчыны падвяргаюцца інтэнсіўным абстрэлам і авіяўдарам з расійскага боку. Мясцовыя ўлады паведамляюць пра эвакуацыю больш за 3 тысячы жыхароў з шэрагу населеных пунктаў. Узрасла і колькасць удараў па Харкаве і яго ваколіцах, нагадвае Расійская служба Радыё Свабода.
Сёння прэзідэнт Украіны знаходзіцца ў Парыжы, дзе прымае ўдзел у саміце «Кааліцыі жадаючых» — групы з больш чым 30 краін, якія маюць намер працягваць ваенную дапамогу Кіеву. Саміт праводзіцца па ініцыятыве прэзідэнта Францыі Эмануэля Макрона.
Першага намесніка гендырэктара «Белвеста» пасадзілі на тры з паловай гады за палітыку6
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары