У Пермскім краі школьнік хацеў падпаліць кабінет з аднакласнікамі, але ў апошні момант перадумаў і заплакаў
Дзевяцікласнік Сярожа (імя зменена) вучыцца ў ліцэі ў горадзе Лысьва. З 28 лютага хлопец быў на бальнічным, а 6 сакавіка прыйшоў у школу з цяжкім партфелем.
Навучэнец прайшоў пункт аховы па пропуску і накіраваўся ў прыбіральню. Там пераапрануўся ў спартыўны касцюм, надзеў балаклаву і дастаў з заплечніка запальную сумесь, піша Baza.
Пакуль Сярожа быў у прыбіральні, яго заўважыў адзінаццацікласнік і паведаміў сацыяльнаму педагогу пра падазронага вучня. Разам яны паспяшаліся да пульта відэаназірання.
На камерах настаўнік убачыў, як Сярожа падыходзіць да кабінета, дзе знаходзіўся клас з настаўнікам, але ў апошні момант адыходзіць ад дзвярэй, спускаецца на першы паверх і пачынае плакаць.
Педагог забраў хлопца да сябе ў кабінет, пагаварыў з ім і высветліў, што Сярожа хацеў падпаліць кабінет, каб напалохаць аднакласнікаў, але ў апошні момант спужаўся і перадумаў.
У школу прыехала паліцыя і іншыя службы. Хлопца дапыталі і адправілі ў бальніцу для праверкі псіхічнага здароўя.
У заплечніку Сярожы аператыўнікі знайшлі: тры балончыкі, тры кактэйлі Молатава, ікону, два нажы, запальнічку, дзве цацачныя машынкі і ноўтбук.
Паводле слоў сваякоў Сярожы, ён ніколі не скардзіўся на булінг з боку аднакласнікаў і не меў праблем з вучобай.
Цяпер чытаюць
«Больш за 10 чалавек выехалі ў Еўропу — і гэта толькі з майго аддзялення». Рэаніматолаг з райцэнтра шчыра апісаў будні беларускай медыцыны4
Каментары