U Piermskim krai školnik chacieŭ padpalić kabiniet z adnakłaśnikami, ale ŭ apošni momant pieradumaŭ i zapłakaŭ
Dzieviacikłaśnik Siaroža (imia źmieniena) vučycca ŭ licei ŭ horadzie Łyśva. Z 28 lutaha chłopiec byŭ na balničnym, a 6 sakavika pryjšoŭ u škołu ź ciažkim partfielem.
Navučeniec prajšoŭ punkt achovy pa propusku i nakiravaŭsia ŭ prybiralniu. Tam pieraapranuŭsia ŭ spartyŭny kaścium, nadzieŭ bałakłavu i dastaŭ z zaplečnika zapalnuju sumieś, piša Baza.
Pakul Siaroža byŭ u prybiralni, jaho zaŭvažyŭ adzinaccacikłaśnik i paviedamiŭ sacyjalnamu piedahohu pra padazronaha vučnia. Razam jany paśpiašalisia da pulta videanazirańnia.
Na kamierach nastaŭnik ubačyŭ, jak Siaroža padychodzić da kabinieta, dzie znachodziŭsia kłas z nastaŭnikam, ale ŭ apošni momant adychodzić ad dźviarej, spuskajecca na pieršy pavierch i pačynaje płakać.
Piedahoh zabraŭ chłopca da siabie ŭ kabiniet, pahavaryŭ ź im i vyśvietliŭ, što Siaroža chacieŭ padpalić kabiniet, kab napałochać adnakłaśnikaŭ, ale ŭ apošni momant spužaŭsia i pieradumaŭ.
U škołu pryjechała palicyja i inšyja słužby. Chłopca dapytali i adpravili ŭ balnicu dla pravierki psichičnaha zdaroŭja.
U zaplečniku Siarožy apieratyŭniki znajšli: try bałončyki, try kaktejli Mołatava, ikonu, dva nažy, zapalničku, dźvie cacačnyja mašynki i noŭtbuk.
Pavodle słoŭ svajakoŭ Siarožy, jon nikoli nie skardziŭsia na bulinh z boku adnakłaśnikaŭ i nie mieŭ prablem z vučobaj.
Ciapier čytajuć
Babaryka raskazaŭ, jak chadziŭ u KDB znajomicca sa spravaj svajho represavanaha dzieda, jaki moh być rasstralany ŭ Kurapatach5
Babaryka raskazaŭ, jak chadziŭ u KDB znajomicca sa spravaj svajho represavanaha dzieda, jaki moh być rasstralany ŭ Kurapatach
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych1616
Kamientary