У машыны прэзідэнта Сербіі Аляксандра Вучыча на поўным ходзе адвалілася кола
У сеціве з'явілася відэа, як у машыне прэзідэнта Сербіі Аляксандра Вучыча падчас руху адвалілася кола. Здарэнне, выглядае, адбылося на сельскай дарозе. Ніхто не пацярпеў.
У машыны прэзідэнта Сербіі Вучыча адвалілася кола па дарозе на сустрэчу з жыхарамі Мокрына. Абышлося без наступстваў — машына спынілася, Вучыч выйшаў і, імаверна, перасеў у іншую машыну з картэжу.
Дзяржаўная служба Сербіі паведаміла, што праводзіць расследаванне інцыдэнту.
У Сербіі больш за два месяцы пратэстуюць студэнты, патрабуючы прыцягнуць да адказнасці за трагедыю ў Нові-Садзе, калі абрынуўся навес і загінулі 15 чалавек. Яны патрабуюць публікацыі ўсёй дакументацыі па рэканструкцыі чыгуначнага вакзалу ў Нові-Садзе, прыпыніць і зняць крымінальныя справы з арыштаваных і затрыманых студэнтаў, а таксама павялічыць на 20 працэнтаў бюджэт на вышэйшую адукацыю.
Цяпер чытаюць
«Туфлі — 400 рублёў». Выпускнікі дзеляцца, у колькі абышліся іх вобразы8
Каментары