«Не прапускае мышэй без дакументаў». На беларуска-польскай мяжы з'явіўся кот, якога, магчыма, хтосьці згубіў
У адным з памежных чатаў з'яўляюцца фатаграфіі ката, які сядзіць каля шлагбаума на памежным пераходзе «Брэст-Тэрэспаль». Карыстальнікі нават жартуюць, што гэта кот-памежнік, а хтосьці прапануе прытуліць яго, піша Most.
Мяркуючы па фота і каментарах карыстальнікаў, вялікі чорна-белы кот сядзіць ля шлагбаума з польскага боку.
«Яго там усе кормяць. Здаецца, добра кормяць. Падышоў да нашай машыны, мы яму далі вялікую катлету — з'еў з задавальненнем і далей пайшоў».
Нягледзячы на такое сытае жыццё, некаторыя беларусы просяць забраць жывёліну дадому. Знаходзіцца сярод такога патоку машын кату небяспечна.
Хтосьці жартам называе ката супрацоўнікам мяжы — і ў яго, маўляў, ёсць свае абавязкі.
«Гэта кот-памежнік. Жыве тут. Не прапускае мышэй без дакументаў!»
Магчыма, у гэтай гісторыі з'явіцца працяг: знойдзецца гаспадар жывёліны ці хтосьці захоча яго прытуліць.
Іспанская паліцыя затрымала шасцярых удзельнікаў банды, якая прадавала неіснуючых шчанюкоў
У Швецыі гаспадыня памыла ката ў пральнай машыне
У Фінляндыі кот Маўры выратаваў свайго гаспадара ад смяротнай небяспекі
«Кот Кеша праходзіў суразмоўе з гаспадарамі кватэры». Беларусы распавялі пра свой кранальны досвед эміграцыі разам з жывёламі
Трагедыя з 30‑гадовай доктаркай са Старобіна — пайшла выдаляць зуб мудрасці і памерла24
Каментары